Prokurori i Shtetit ju njofton se gjatë 24 orëve të fundit nga prokuroritë themelore janë ngritur tridhjetë (30) aktakuza, kundër dyzet (40) personave, për vepra të ndryshme penale, ndërsa, me urdhër të prokurorit të shtetit janë ndaluar nëntë (9) persona të dyshuar.

Gjithashtu, janë paraqitur dymbëdhjetë (12) kërkesa për caktimin e masës së paraburgimit, ndaj pesëmbëdhjetë (15) personave të dyshuar dhe janë bërë tri (3) kërkesa për sekuestrim të përkohshëm të sendeve.
Prokuroria Speciale e Republikës së Kosovës, ka ndaluar një (1) person të dyshuar, për veprën penale “Detyrimi”, nga neni 328 paragrafi 2 lidhur me paragrafin 1 të KPRK-së.

Prokuroria Themelore në Prishtinë, me urdhër të prokurorit kujdestar ka ndaluar tre (3) persona të dyshuar, ka paraqitur dy (2) kërkesa për caktimin e masës së paraburgimit për tre (3) persona të dyshuar, si dhe ka ngritur katër (4) aktakuza, kundër tetë (8) personave, për vepra të ndryshme penale.

Prokuroria Themelore në Prizren, me urdhër të prokurorit ka ndaluar në kohëzgjatje prej 48 orëve një (1) person të dyshuar, si dhe pranë Gjykatës kompetente ka parashtruar një (1) kërkesë për caktimin e masës së paraburgimit për një (1)person.

Prokuroria Themelore në Pejë, në dy raste të ndara ka ndaluar dy (2) persona të dyshuar, një madhor dhe një të mitur dheka bërë një (1) kërkesë për caktimin e masës se paraburgimit, ndaj (2) personave.

Gjithashtu, kjo prokurori ka paraqitur dy (2) kërkesa për sekuestrim të përkohshëm dhe ka ngritur katër (4) aktakuza, kundër pesë (5) personave.

Prokuroria Themelore në Gjilan, ka paraqitur dy (2) kërkesa për caktimin e masës së paraburgimit, ndaj dy (2) personave të dyshuar dhe ka ngritur pesë (5) aktakuza, kundër pesë (5) personave.

Prokuroria Themelore në Gjakovë, ka paraqitur tri (3) kërkesa për caktimin e masës së paraburgimit, kundër tre (3) personave të dyshuar.

Prokuroria Themelore në Mitrovicë, ka ndaluar një (1) person të dyshuar, në kohëzgjatje prej 48 orësh, ka bërë një (1) kërkesë për caktimin e masës së paraburgimit për një (1) person, dhe ka ngritur trembëdhjetë (13) aktakuza, kundër tetëmbëdhjetë (18) personave, për vepra të ndryshme penale.

Prokuroria Themelore në Ferizaj, ka ndaluar një (1) person të dyshuar, ka bërë dy (2) kërkesa për caktimin e masës së paraburgimit, kundër tre (3) personave, ka bërë një (1) kërkesë për sekuestrim të përkohshëm të sendeve, si dhe ka ngritur katër (4) aktakuza, kundër katër (4) personave, për vepra të ndryshme penale./arbresh.info/