Tre persona janë vrarë pas sulmeve me raketa ruse që goditën një aeroport dhe infrastrukturën hekurudhore në rajonin qendror të Ukrainës Kirovohrad të shtunën, tha guvernatori lokal. Guvernatori Andriy Raikovych tha se dy roje sigurie në një nënstacion elektrik ishin vrarë, sipas The Guardian.
Ai tha gjithashtu se një ushtar ukrainas ishte vrarë dhe nëntë të tjerë kanë mbetur të plagosur. Raikovych tha se sulmet kishin ndërprerë rrjetin elektrik dhe se një zonë e kryeqytetit rajonal Kropyvnytskyi kishte mbetur pa energji si rezultat.
Raketat ruse shënjestruan gjithashtu një qytet dhe fshatra përreth rajonit Dnipropetrovsk të Ukrainës qendrore-lindore, tha të shtunën guvernatori i rajonit, Valentyn Reznychenko. Në veri-lindje të vendit, forcat ruse goditën qendrën e Kharkiv, qyteti i dytë më i madh i Ukrainës.
Kiev shpreson që furnizimi në rritje i armëve perëndimore, si Himars (sistemet raketore të artilerisë me lëvizshmëri të lartë) nga SHBA, do ta lejojë atë të rimarrë territoret e pushtuara.
Ministria ruse e mbrojtjes tha të premten se forcat e saj kishin shkatërruar katër sisteme Himars midis 5 korrikut dhe të mërkurës, një pretendim që SHBA dhe Ukraina e kanë hedhur poshtë./arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite