Policia e Kosovës përmes një njoftimi publik thotë se ndeshja sportive ndërmjet Kosovës dhe Izraelit, në aspektin e sigurisë ka kaluar e qetë dhe pa incidente.
Policia është kujdesur për gjithçka që të shkojë mirë sa i përket zhvillimit të ndeshjes, shkruan Arbresh.info.
“Policia e Kosovës, në bashkëpunim dhe koordinim me FFK-në dhe akterët relevantë, ashtu siç e ka bërë të ditur me kohë, ka bërë planifikimet e saja operacionale për menaxhimin dhe mbarëvajtjen sa më të mirë të kësaj ndeshje sportive, duke u kujdesur për ofrimin e sigurisë që nga ardhja e kombëtares së Izraelit në Republikën e Kosovës e deri në kthimin e saj për në Izrael”, thuhet në komunikatë.
Komunikata e plotë:
Prishtinë, më 13 nëntor 2023
Ndeshja sportive, e luajtur mbrëmë, në mes të kombëtares së Kosovës dhe Izraelit për kualifikime në EURO2024, vlerësuar në aspektin e sigurisë, ka kaluar e qetë dhe pa ndonjë incident që ka cenuar sigurinë publike dhe mbarëvajtjen e ndeshjes sportive.
Policia e Kosovës, në bashkëpunim dhe koordinim me FFK-në dhe akterët relevantë, ashtu siç e ka bërë të ditur me kohë, ka bërë planifikimet e saja operacionale për menaxhimin dhe mbarëvajtjen sa më të mirë të kësaj ndeshje sportive, duke u kujdesur për ofrimin e sigurisë që nga ardhja e kombëtares së Izraelit në Republikën e Kosovës e deri në kthimin e saj për në Izrael.
Policia e Kosovës falënderon qytetarët, mediat dhe të gjitha institucionet për bashkëpunimin korrekt me Policinë e Kosovës, të cilët janë pjesë e meritës që ky event sportiv të kalojë i qetë dhe pa incidente./Arbresh.info/
Gazetari Vehbi Kajtazi kërcënohet me jetë
Studentë shqiptarë në Amerikë mbështesin në Shkodër fëmijët ...
Hamza: Programi s’duhet të jetë për kabinetin e ministrave e...
Analistët: Shqipëria përparim drejt BE-së, por të luftojë ko...
Ish-kancelarja e Gjermanisë në nëntor prezanton librin me ku...
SHBA shqyrton mundësinë e ndarjes së kompanisë Google