Tahiri mbështet protestën e Berishës: Është mbrojtje e Kosovës

12:31 | 19 Dhjetor 2021
Përparim Bublaku

Ish-kryenegociatorja e dialogut Kosovë-Serbi, Edita Tahiri, i ka dhënë mbështetje protestës së thirrur nga Sali Berisha, kundër “Ballkanit të Hapur” dhe vizitës së presidentit të Serbisë Aleksandër Vuçiqi në Tiranë.

Tahiri përmes një postimi në Facebook ka thënë se kjo protestë mbronë edhe Kosovën dhe se duhet të përkrahet nga të gjithë shqiptarët.

“”Ballkani i Hapur” do të vendos popujtë në hegjemoninë serbe…kështu ëndërron Vuqiçi në prag të arritjes në Tiranë nesër. Mrëpo, opozita e ringjallur e Shqipërisë nesër do ti tregoj se ai vetëm mund të ëndërroj. Protestat nesër në Tiranë janë edhe në mbrojtje të Kosovës dhe duhet të përkrahen nga gjithë shqiptarët”, ka shkruar Tahiri, përcjell arbresh.info.

Të hënën Vuçiq do të jetë në Tiranë për të marrë pjesë në takimet e nismës rajonale “Ballkani i Hapur”.

Kundër vizitës së tij ka dalë edhe ish-kryeministri i Shqipërisë, Sali Berisha, i cili ka thirrur protestë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm