Deputeti gjerman, Michael Roth ka reaguar ndaj deklaratës së presidentit të Serbisë, Aleksandër Vuçiq ku e përmendi Roth-in teksa foli për grupin terrorist që ka sulmuar sot Policinë e Kosovës ku ka vrarë një polic dhe ka plagosur dy të tjerë.

Me anqë të një postimi në X, Roth ka thënë se s’ka rëndësi se prej nga vijnë viktimat dhe kryerësit e veprës, shkruan Arbresh.info

“I dashur president Vucic! Të vrasësh njerëz është krim i tmerrshëm. S’ka rëndësi për mua se prej nga vijnë viktimat dhe kryerësit e veprës. S’më interesojnë nacionalitetet dhe etnitë fare. Së bashku kosovarët dhe serbët meritojnë të jetojnë në paqe, siguri, dinjitet dhe kufij të sigurt”, ka shkruar Roth në përgjigjen e tij ndaj presidentit serb.

Presidenti serb, Aleksander Vucic, në konferencën e sotme për media ka komentuar një shkrim të ditës të bërë nga deputeti gjerman Roth, i cili kishte thënë se bandat serbe me mbështetje direkte nga Beogradi ka shumë gjasë që të jenë përgjegjëse përsëri për vrasjen e policit kosovar.

“Keni mundur të dëgjoni sot se gjithçka erdhi nga Beogradi, se Serbia e bëri gjithë këtë dhe kjo flet mjaft çfarë qëllime kanë nga Roth (deputeti gjerman) deri te Fhelinger që bëri thirrje për bombardim të Beogradit”, ka thënë Vuçiq.

Roth teksa kisthe komentuar sulmin e grupit terrorist mbi Policinë e Kosovës, kishte thënë se ata janë banda serbe që përkrahen direkt nga Beogradi dhe që mund të jenë përgjegjës për sulmin.

Politikani gjerman kishte etiketuar presidentin serb Vucic, duke thënë se është kurioz të shoh se cili do të jetë arsyetimi i tij kësaj here.

“Dhuna brutale thjesht nuk mbaron kurrë. Tani ka vdekur një polic kosovar. Bandat serbe (me mbështetje të drejtpërdrejtë nga Beogradi) ndoshta janë përsëri përgjegjëse për këtë. Jam kurioz të shoh çfarë arsyetimi nga Aleksander Vucic mund të vijë kësaj here”, kishte shkruar Roth më herët gjatë ditës.