Gazetari Bekim Kabashi, i ka quajtur demagogë ata të cilët po tallen me kandidatin e LDK-së, Përparim Rama, i cili ka thënë se nuk e di se ku gjendet sheshi “Adem Jashari” në Prishtinë.
Kabashi në një postim në Facebook, ka thënë se përgjegjësinë për gjendjen në këtë shesh dhe mos vendosjen e shtatores së Adem Jasharit duhet kërkuar te qeverisja e vetëvendosjes në kryeqytet.
Postimi i plotë:
Vetëm demagogët bëjnë sjellje të tilla në politikë:
Ka filluar një fushatë sulmi ndaj Përparim Ramës, pse ai në një intervistë në ATV nuk e dinte se ku ndodhet sheshi ‘Adem Jashari’.
Nëse do të duhej të flitej për këtë shesh, atëherë do të duhej t’i kërkohej përgjegjësi qeverisjes 6+2 vjeçare të Vetëvendosjes në Prishtinë, se si ka lejuar për një kohë të gjatë një çoroditje të tillë.
Për 6+2 vite vite VV nuk ka arritur që t’i bëjë një vend në Prishtinë shtatores së Adem Jasharit. Për më tepër edhe pse ka qeverisur me Prishtinën 6+2 vite, ka lejuar që Adem Jashari dhe simbolet e Bashkim Vëllazërimit të Jugosllavisë të jetojnë bashkë.
Ai shesh, ose do të duhej të jetë vërtetë sheshi Adem Jashari, me shtatoren e tij të vendosur aty, e jo me trekëndëshin e Bashkim Vëllazërimit, ose s’do duhej ta mbante fare emrin e tij.
Nëse do të duhej që dikush të nxirrej para përgjegjësisë për këtë çoroditje, ajo është Vetëvendosje, e jo Përparim Rama./arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite