Qytetarët nuk u pajisen me pasaporta e letërnjoftime/ Camaj: Jemi zhvendosur, kemi probleme me instalimin e pajisjeve teknike

17:15 | 26 Shkurt 2024
E.G

Gjatë ditës së sotme qytetarët nuk kanë mundur të pajisen me pasaporta dhe letërnjoftime për shkak të problemit me pajisjen e cila lëshon numrat për pritje në radhë.

Në një përgjigje për Arbresh.info, kryeshefi ekzekutiv i Agjencisë për Regjistrim Civil (ARC), Blerim Camaj tha se problemi nuk qëndron te mungesa e materialit.

Sipas tij, për shkak të zhvendosjes në objektin e Rilindjes janë paraqitur probleme me instalimin e pajisjeve teknike.

“Ne kemi qenë në objekt të  Gërmisë dhe të shtuneve dhe të dielave në objektin te Rilindja, jemi zhvendos dhe kemi menduar që deri në 12:00 të lëshohet sistemi por për shkak të instalimit të pajisjeve teknike nuk kemi mundur.”, tha Camaj.

Ai theksoi se pritet që sistemi të rregullohet deri nesër (e martë).

“Po mendojmë që nesër në ora 08:00 rregullohet”, u shpreh ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm