Gjobitet me 100 euro shoferi në Gjakovë, parkoi veturën në pjesë të gjelbëruar

15:39 | 3 Prill 2024
E.G

Policia e Kosovës ka njoftuar se i është shqiptuar gjobë prej 100 eurosh shoferit i cili e kishte parkuar veturën në vendin e ndaluar.

Sipas njoftimit, fotoja e veturës ishte shpërndarë në rrjete sociale, shkruan Arbresh.info.

Në foto shihet se një veturë në rrugën “Skenderbeu” (sheshi “Tom Lantosh”) në Gjakovë, shihej e parkuar në një pjesë të gjelbëruar, në kundërshtim me rregullat e trafikut rrugor.

“Stacioni Policor në Gjakovë ka identifikuar ngasësin e veturës dhe ka ndërmarrë masa ligjore në përputhje me ligjin për rregullat e trafikut rrugor, me ç’rast i është shqiptuar gjobë në vlerë prej 100euro.”, thuhet në njoftimin e policisë.

Drejtoria Rajonale e Policisë në Gjakovë ka apeluar tek të gjithë qytetarët të respektojnë rregullat e komunikacionit rrugor, në mënyrë që të mos bëhen subjekt i shkeljeve dhe masave ligjore./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm