Edhe Shpejtim Bulliqit i shtyhet vizita për në ShBA

20:50 | 9 Nëntor 2022
E.H

Edhe kryetarit të komunës së Podujevës, Shpejtim Bulliqit, i është shtyrë vizita për në ShBA.

Ky lajm për arbresh.info është konfirmuar nga zëdhënësi i Podujevës, Fatri Zhitia.

“Nuk i është shty vetëm Bulliqit, por shumë kryetarëve të komunave. Ata janë dakorduar që kjo vizitë të shtyhet. E di që të hënën është marrë vendim që t’i shtyhet vizita”, ka thënë Zhitia.

Sipas Zhitisë, disa kryetarë të komunave, përfshirë edhe Bulliqin, udhëtimin për në ShBA kanë pasur ta bëjnë në shtetin e Iowas.

“Vizita ka qenë e planifikuar të bëhet në shtetin e Iwoas, për shkak të binjakëzimit që Kosova ka me këtë shtet. Kanë pasur ta njohin prej afër shtetin atje”, ka deklaruar Zhitia.

Kujtojmë se vizita për në ShBA i është shtyrë edhe ministres së Drejtësisë, Albulena Haxhiu./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm