Kryeministri i Kosovës, Ramush Haradinaj, javën e kaluar ka publikuar raportin 100 ditësh të punëve të tij.
Por në këtë raport askund nuk figuron vendimi se ai i ndau 290 mijë euro për familjarët e grupit të Kumanovës, shkruan Insajderi.
Në raportin 19 faqesh ai përmend të gjitha rastet tjera kur nga ekzekutivi janë ndarë mjetë financiare, por jo edhe vendimi që u mor në mbledhjen e datës 10 nëntor .
“290 mijë euro janë ndarë për mbulimin e shpenzimeve te familjeve të të dënuarve dhe te vrarëve në Rastin Kumanova”, pati thënë Haradinaj atë ditë.
Ai pati treguar se çdo familjeje të të dënuarve dhe të vrarëve do t’u takojnë nga 10 mijë euro, të gjitha këto nga nënkategoria e rezervave.
Më 2 nëntor Gjykata në Shkup dënoi me 746 vjet burg të akuzuarit për përleshjet në Kumanovë gjatë të cilave u vranë tetë policë të Maqedonisë dhe 10 persona nga grupi i armatosur.
Skip to content
