200 kandidatë për kryetar, shtatë mijë për kuvende komunale

13:25 | 20 Shtator 2017
arbresh.info

200 kandidatë i kanë hyrë garës për t’u bërë kryetar komune, nga 91 subjekte politike të certifikuara nga ana e KQZ-së, transmeton arbresh.info.

Sipas zëdhënësit të KQZ-së, Valmir Elezi, numri më i madh i kandidatëve është për kuvende komunale në 38 komuna.

“Janë shtatë mijë kandidatë, prej tyre janë 2400 femra dhe 4500 meshkuj,” është shprehur Elezi, në një intervistë në RTK.

Komisioni Qendror i Zgjedhjeve ende nuk ka certifikuar listën zyrtare të votuesve, sikur që nuk ka miratuar ende dizajnin se di do të duken fletëvotimet për zgjedhjet për kryetar të komunave dhe kuvende komunale.

Pasi të marr këtë vendim, personat që votojnë përmes postës mund të realizojnë të drejtën e tyre për votim./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm