Google ADS

20 arrestime dhe sekuestrim i 120 mijë eurove, operacion i policisë dhe prokurorisë në 14 lokacione të ndryshme

11:36 | 27 Nëntor 2024
E.K

Policia e Kosovës ka arrestuar 20 persona në 14 lokacione në katër qytete të ndryshme të Kosovës të mërkurën, pas hetimeve disamujore të Prokurorisë Speciale. Sipas njoftimit, ata dyshohen për “hyrje të paautorizuar kompjuterike” dhe “mashtrim”.

Aksioni ka përfshirë qytetet Prishtinë, Ferizaj, Kaçanik dhe Klinë. Gjatë operacionit janë sekuestruar 120 mijë euro të gatshme, pesë automjete, mjete financiare të depozituara nëpër banka, pasuri të paluajtshme, 30 kompjuterë, 30 telefona, pajisje memorizuese dhe dokumente të tjera.

Sipas njoftimit të policisë, rreth 120 zyrtarë policorë kanë marrë pjesë në zbatimin e këtij plani operativ, ndërsa ka pasur edhe përfshirje të zyrtarëve gjermanë.

Për realizimin e masave të sigurisë, me urdhër të prokurorit nga Prokuroria Speciale, 10 persona janë dërguar në mbajtje për 48 orë, ndërsa 10 të dyshuar të tjerë janë liruar dhe do të vazhdojnë procedurat e rregullta./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm