Google ADS

Qeveria i ndan 5.5 milionë euro për shtesat e stafit shëndetësor

11:33 | 20 Korrik 2022
A Z

Qeveria do t’i ndajë 5.5 milionë euro si mbështetje për stafin shëndetësor kundër COVID-19.

Ministri i Financave, Hekuran Murati, në mbledhjen e sotme të qeverisë ka thënë se mbështetja ishte planifikuar deri në qershor.

“Mbështetja fillestare ka qenë e paraparë që të vazhdojë deri në muajin qershor, por me rikthimin e numrave dhe ndryshimin e situatës konsiderojmë që mbështetja duhet të vazhdojë për stafin shëndetësor, mbështetja që ka qenë 10 përqind mbi pagën bazë sepse e konsiderojmë të nevojshme të ketë staf të motivuar në luftën kundër COVID-19. Në lidhje me këtë parashihet të ndahen mjete në shumën 5.5 milionë euro nënprogrami i Ringjalljes Ekonomike. Marrë parasysh nevojën për mbështetje të stafit shëndetësor ju ftoj ta votoni këtë propozim-vendim”, tha Murati.

Kabineti qeveritar me shumicë votash miratoi propozim-vendimin e MF-së.

 

Shpërndaje në rrjete sociale

Lajmet më të lexuara

Të ngjashme

Foto lajm