Google ADS

Nesër nis gjykimi ndaj të akuzuarit për vrasjen e nënës në mënyrë mizore

15:01 | 16 Nëntor 2023
Natyra Salihaj

Të premten nis gjykimi ndaj Urim Hysenit, i cili akuzohet për vrasjen mizore të nënës së tij.

Lajmin për Arbresh.info e ka bërë të ditur zëdhënësja e Gjykatës Themelore në Pejë, Tringa Zhuti.

Ajo po ashtu bëri të ditur se ende nuk dihet nëse seanca do jetë e hapur për media, pasi kjo do vendoset nga gjyqtarja e rastit gjatë seancës.

Seanca fillestare ndaj Hysenit pritet të nis nga ora 09:00.

“Ju njoftoj se gjyqtarja e çështjes do të vendos se a do të mbyllet tërësisht seanca për publikun, nesër gjatë seancës së shqyrtimit fillestar pas dëgjimit të ekspertit të psikiatrisë për gjendjen aktuale mendore të të pandehurit ndërsa incizimi i seancës nuk lejohet”, tha Zhuti.

Ndryshe, Prokuroria Themelore në Pejë, më 9 tetor 2023, ka ngritur aktakuzë ndaj Urim Hysenit, i cili akuzohet se vrau në mënyrë mizore nënën e tij.

Hyseni më 14 prill 2023, në shtëpinë e tij në Pejë, ka privuar nga jeta në mënyrë mizore nënën e tij, viktimën H.H./Arbresh.info/

LEXO EDHE

Djali vret nënën në Pejë

 

 

Shpërndaje në rrjete sociale

Lajmet më të lexuara

Të ngjashme

Foto lajm