Koreografia skandaloze e Crvena Zvezda, Bislimi: Këto janë mesazhet e Vuçiqit që s’i thotë publikisht

14:29 | 27 Korrik 2023
K.B

Zëvendëskryeministri i Kosovës, Besnik Bislimi, ka reaguar pas banerit të klubit serb, Crvena Zvezda, për koreografinë skandaloze në ndeshjen kundër Fiorentinës në Beograd, ku shfaqej një tank me mbishkrimin “kur ushtria të kthehet në Kosovë”.

Me anë të një postimi në Twitter ka shkruar se e gjithë kjo ka ndodhur në prani të presidentit të Serbisë, Aleksandër Vuçiq.

“E gjithë kjo ndërkohë që edhe Vuçiq ishte i pranishëm në tribuna. I gjithë aparati shtetëror është ndërtuar në Serbi për median, sportin, artin, kulturën, shkencën që të përdoren për mjete propagandistike dhe për të nxitur dhunën, terrorin, tensionet dhe luftën”, shkroi ai.

Sipas Bislimit, Delije shpesh dërgon mesazhe që Vuçiq nuk mund ose nuk dëshiron t’i thotë publikisht.

“Ai ka nevojë për akte të tilla për të ushqyer urrejtjen dhe nacionalizmin etnik në opinionin publik”, shtoi më tej Bislimi./Arbresh.info/

Lexo edhe:

SKANDALOZE: Tifozët serb me koreografi provokuese “Të kthehet ushtria në Kosovë”

Shpërndaje në rrjete sociale

Lajmet më të lexuara

Të ngjashme

Foto lajm