Bastiset shtëpia e Vladimir Toliqit, i plagosur gjatë sulmit në Banjskë

13:01 | 25 Tetor 2023
A Z

Policia e Kosovës po vazhdon edhe sot bastisjet në veri. Të njëjtat lidhen me sulmin terrorist të 24 shtatorit, në Banjskë.

Bastisje është kryer edhe në shtëpinë e Vladimir Toliqit, i cili ndodhet në paraburgim.

Zëvendësdrejtori i Policisë së Kosovës në veri, Veton Elshani, ka thënë për Arbresh.info se deri më tani tetë lokacione janë bastisur, dhe nuk ka ndonjë të arrestuar.

“Jemi duke zhvilluar tetë bastisje në veri lidhur me rastin Banjska”, tha Elshani.

Bastisjet po zhvillohen që disa ditë pas sulmit terrorist në Banjskë të Zveçanit, ku ishte vrarë rreshteri i Policisë së Kosovës, Afrim Bunjaku.

Si kundërpërgjigje policia i kishte vrarë tre terroristë. Përgjegjësinë për sulmin e ka marrë kryekrimineli Millan Radojçiq, i cili gjendet në Serbi i lirë.Grupi terrorist kishte lënë prapa armatime të rënda, automjete, uniforma e shumë pajisje të tjera ushtarake me prejardhje nga Serbia.

LEXO EDHE

Edhe dy muaj paraburgim për tre terroristët serbë

Bastisje në disa lokacione në veri për rastin në Banjskë

Shpërndaje në rrjete sociale

Lajmet më të lexuara

Të ngjashme

Foto lajm