Deputetja nga radhët e Lidhjes Demokratike të Kosovës (LDK), Hykmete Bajrami i ka bërë thirrje Prokurorisë që të hetojë rastin e përfshirjes së asamblistit të Lëvizjes Vetëvendosje (LVV), Besnik Mujeci në trafikimin e substancave narkotike.

Kjo sepse sipas saj, nuk është i vetëm, sikurse siç tha ajo “nuk ishte i vetëm as Martin Berishaj në tregtimin e rrymës me Serbinë. Sikurse nuk ishte e vetme Shefja e Grupit Parlamentar të Vetëvendosjes kur koordinohej me Radojcicin. Sikurse nuk është një person i përfshirë në keqpërdorimet e rezervave shtetërore.”, shkruan Arbresh.info.

“Tregtinë me drogë, koordinimin me Radojcicin, biznesin e rrymës së ambasadorit me Serbinë, hajnitë në KEK dhe të gjitha skandalet tjera do të ndëshkohen.”, ka shkruar Bajrami në Facebook.

Tutje ajo shkroi se “ndëshkimin më të madh do ta përjetoni nga vota e popullit.”

Kujtojmë që, Policia Shqiptare ka arrestuar asamblistin e LVV-së, Besnik Mujeci së bashku me katër të tjerë për transport të narkotikëve mga Prishtina në Tiranë./Arbresh.info

Lexo edhe:

Dalin fotot e të arrestuarve për drogë në Shqipëri – ndër ta edhe asambleisti i VV-së