Google ADS

Udhëzimi administrativ për kryetarët, Vokrri: Jam i sigurtë që brenda javës që vjen do të jetë gati

20:16 | 1 Shtator 2023
KRG

Zëvëndësministri në Ministrinë e Administrimit të Pushtetit Lokal, Arbër Vokrri, ka folur në lidhje me udhëzimin administrativ për kryetarë e komunave veriore.

Vokrri u shpreh i sigurt se ky udhëzim do të jetë gati brenda javës, sepse sipas  tij, ka mbetur edhe pak punë deri në finalizim.

“Ka mbetur vetëm edhe fare pak punë që të finalizohet dhe jam i sigurtë që brenda javës që vjen do të jetë gati. Për aq sa unë jam i informuar dy kanë qenë vërejtjet kryesore, një që lidhej me afatet ligjore, pra afatet kohore për këto procedura dhe tjetra ishte se mos po hapet një derë e re”, tha ai në KlanKosova.

Tutje, ai tha se e ka shikuar ligjin dhe udhëzimin administrativ dhe u shpreh se nuk ka parë ndonjë kontradiktë mes këtyre të dyjave.

“Unë e shikova ligjin për qeverisje edhe këtë udhëzim administrativ, draftin pra dhe unë edhe pse nuk jam jurist nuk pashë që ka ndonjë kontradiktë mes këtyre të dyjave”, u shpreh tutje ai.

Shpërndaje në rrjete sociale

Lajmet më të lexuara

Të ngjashme

Foto lajm