Pak minuta pas mesnatës, në veri të Mitrovicës kanë ndodhur dy shpërthime.

Lajmin për Arbresh.info e ka konfirmuar zëvendësdrejtori i Policisë së Kosovës për Rajonin e Mitrovicës së veriut, Veton Elshani.

Elshani tha se rreth orës 00:25 të së dielës, është raportuar për dy detonime që janë shkaktuar nga mjetet piroteknike ndërsa shton se veriu i vendit është i sigurt.

“Ka pas informacione që në Mitrovicë të Veriut kanë qenë dy detonime, por policia konfirmon se ne jemi në qytet dhe nuk ka dëme apo lëndime në njerëz. Mund të ndodh që këto detonime të jenë shkaktuar nga mjetet piroteknike apo diçka tjetër, por mund të sigurojmë që veriu i vendit është i sigurt”, tha ai./Arbresh.info