Ushtruesi i Detyrës së Kryeprokurorit të Shtetit, Besim Kelmendi, bashkë me drejtues të Sistemit Prokurorial, Gjyqësor dhe Akademisë së Drejtësisë, gjatë ditës së sotme ka zhvilluar takim me Kryeprokurorin e Përgjithshëm të Karolinës së Jugut në SHBA, Alan Wilson.
“Bartësit e funksioneve të sistemit prokurorial dhe atij gjyqësor patën mundësinë të shohin nga afër perspektivën dhe përvojat që kanë të bëjnë me hartimin e opinioneve nga Kryeprokurori i Përgjithshëm i Karolinës së Jugut, rolin e Divizionit Ekzekutiv të Kryeprokurorit të Përgjithshëm në raport me çështjet e bashkëpunimit me qeverinë, raportin me publikun, përkatësisht kërkesat për informacion nga media dhe publiku dhe çështje tjera të rëndësishme profesionale”, thuhet në njoftim përcjell Arbresh.info.
Përveç takimit me Kryeprokurorin e Përgjithshëm të Karolinës së Jugut, delegacioni nga institucionet e drejtësisë është takuar edhe me Kryetarin e Gjykatës Supreme të Karolinës së Jugut Donald W. Beatty.
Po ashtu, në kuadër të vizitës studimore dhe agjendës një javore, përfaqësuesit e sistemit prokurorial, atij gjyqësor dhe Akademisë së Drejtësisë kanë zhvilluar vizita në institucionet tjera të rëndësishme të drejtësisë dhe atyre universitare të SHBA-së.
“Pjesë e delegacionit të përfaqësueseve të institucioneve të drejtësisë në vizitën studimore në SHBA, përveç U.D. Kryeprokurorit të Shtetit, z. Besim Kelmendi, janë edhe Kryetari i Gjykatës Supreme të Kosovës, z. Fejzullah Rexhepi, Kryesuesi i Këshillit Prokurorial të Kosovës, z. Ardian Hajdaraj, Prokurori i Zyrës së Kryeprokurorit të Shtetit, z. Aleksandër Lumezi, Zëvendës-Kryesuesja e KPK-së, znj. Jehona Grantolli, Kryetari i Komisionit të Vlerësimit të Performacës në KPK, z. Veton Shabani dhe Drejtori i Akademisë së Drejtësisë, z. Enver Fejzullahu”, thuhet tutje në njoftim.
Kjo vizitë e delegacionit nga Kosova është organizuar me mbështetjen e Ambasadës së SHBA-së në Kosovë dhe Zyrës së OPDAT-it./Arbresh.info
Ngritet aktakuzë ndaj shtatë personave për “Kontraband...
Osmani ndan fotografi nga New York: Për ta përfaqësuar Kosov...
Zhduket një i mitur në Gjakovë
Vidhet një shporet në veri, policia duke hetuar rastin
Bora dhe Heidi shumë shpejt me programe televizive, ja ku do...
Izraeli thotë se ka goditur qindra caqe në Liban