Google ADS

Thaçi: Rugova është angazhuar politikisht në kohën kur pushteti i Millosheviqit e zhveshi Kosovën

12:59 | 21 Janar 2018
Arbresh.info

Presidenti i Kosovës, Hashim Thaçi në një postim në rrjetin social Facebook ka kujtuar vdekjen e ish –presidentit Ibrahim Rugova, raporton arbresh.info.

Sipas tij , Rugova është angazhuar politikisht në kohën kur pushteti i Millosheviqit e zhveshi Kosovën nga të gjitha të drejtat politike, administrative dhe kombëtare.

Ky është postimi I plotë I Thaçit:

Pas një pune të shquar në fushën e albanologjisë, ai u angazhua politikisht në kohën kur pushteti i Millosheviqit e zhveshi Kosovën nga të gjitha të drejtat politike, administrative dhe kombëtare.

Brenda një periudhe dhjetëvjeçare udhëhoqi një politikë të rezistencës paqësore, duke shprehur vullnetin e popullit të Kosovës për liri dhe pavarësi, me orientim nga vlerat perëndimore.

Pas çlirimit të Kosovës, presidenti Rugova ishte pjesë e të gjitha ngjarjeve dhe vendimeve të konsolidimit të shtetit të Kosovës, deri në momentin e vdekjes.

Do ta kujtojmë dhe nderojmë gjithnjë si president të parë të Kosovës. HTH

Shpërndaje në rrjete sociale

Lajmet më të lexuara

Të ngjashme

Foto lajm