E konfirmon ministri i Punëve të Jashtme të Liberisë: Kemi tërhequr vendimin për njohjen e pavarësisë së Kosovës

09:10 | 22 Qershor 2018
Arbresh.info

Beograd – Nga studiot e Radio Televizionit Serb (RTS) ministri i Punëve të Jashtme të Liberisë, ka konfirmuar se shteti i tij ka tërhequr njohjen e pavarësisë së Kosovës.

“Ne kemi pranuar pavarësinë e Kosovës, tani e kemi tërhequr këtë vendim deri sa të përfundojnë bisedimet për normalizim të marrëdhënieve të këtyre dy shteteve,” tha Milton Filndli për Radio-Televizionin e Serbisë, raporton Arbesh.info.

Ai tha se rajonit i duhet paqe dhe të largohet nga konfliktet, dhe se Beogradi dhe Prishtina duhet të kalojnë përmes procesit paqësor dhe që Qeveria e Liberisë të pranojë vendimin që përmes këtij procesi që të dyja palët do ta sjellin së bashku.

Milton Findli gjatë javës ka takuar homologun e tij serb Ivica Daçiq dhe i dorëzoi atij notën verbale të tërheqjes së pavarësisë së Kosovës.

Ministri i punëve të jashtme të Kosovës, Behgjet Pacolli, ka përgënjeshtruar këtë lajm./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm