Begaj takohet me Lordin Peach, flasin për kapërcimin e situatës së krijuar nga sulmi në Banjskë

22:25 | 15 Tetor 2023
E.G

Presidenti i Shqipërisë, Bajram Begaj priti sot në një takim pune Lordin Stuart Peach, i Ngarkuar i Posacëm i Qeverisë Britanike për Ballkanin Perëndimor që shoqërohej nga Ambasadori i Mbretërisë së Bashkuar në Tiranë, Alastair King-Smith.

Në këta takim, Begaj  vlerësoi në këtë takim rolin aktiv dhe pozitiv që qeveria e Mbretërisë së Bashkuar po mban në Procesin e Berlinit dhe ndaj zhvillimeve më të fundit në Kosovë, përcjell Arbresh.info.

Tutje, Presidenti Begaj nënvizoi se Procesi i Berlinit  po luan një rol të jashtëzakonshëm në përgatitjen e vendeve të rajonit të Ballkanit Perëndimor për integrimin e tyre në Bashkimin Evropian.

Sipas njoftimit të Presidencës shqiptare, duke ritheksuar qëndrimin e tij mbështetës ndaj dialogut Kosovë-Serbi, Presidenti Begaj dhe Lordi Peach shkëmbyen ide dhe mendime mbi kapërcimin e situatës së shkaktuar nga sulmi terrorist serb në Banjskë në 24 shtator./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm