Ekipi për asgjësimin e mjeteve shpërthyese të Komandës Rajonale Lindore të misionit të KFOR-it të udhëhequr nga NATO, ka ekzaminuar pesë zollat që janë gjetur dje nga Policia e Kosovës në afërsi të Manastirit të Banjskës në Zveçan.
Sipas njoftimit, ato i kanë dërguar në laboratorët e mjekësisë ligjore.
“Ekipi për asgjësimin e mjeteve shpërthyese i Komandës Rajonale në Lindje të misionit të KFOR-it të udhëhequr nga NATO ekzaminoi pesë zolla të zbuluara në një depo në komunën e Banjskës nga Policia e Kosovës dhe i dërgoi ato në laboratorët e mjekësisë ligjore. Bashkë me ekipin kemi punuar në koordinim të ngushtë me Policinë e Kosovës”, thuhet në njoftim.
Tutje në njoftim thuhet se Batalioni i Manovrimit të Komandës Rajonale Lindore po siguron më tej zonën për të parë nëse mund të gjenden depo të tjera të mundshme pranë.
“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të ofruar një mjedis të sigurt dhe të qetë për të gjitha komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme”, thuhet tutje në njoftim./Arbresh.info
Pep Guardiola shokon me qëndrimin ndaj Carbao Cup
Pacolli: Gambia gjithmonë e ka mbështetur dhe do ta mbështes...
Pas kritikave për ngjashmëri, Kuvendi i Kosovës do të zhvill...
Osmani takon ambasadorin Michael Carpenter, flasin për rëndë...
Konjufca: Kosova është e interesuar ta ketë përkrah një alea...
Nesër vazhdimi i seancës plenare të Kuvendit, ky është rendi...