Kryetari i Lidhjes Deokratike të Kosovës (LDK), Lumir Abdixhiku ka publikuar pjesën e dytë të 100 projekteve të programit “Rruga e Re”.
Në kuadër të këtij programi përfshihet edhe koeficioneti i pagës minimale në Kosovë, shkruan Arbresh.info.
LDK-ja ka premtuar vlerë të koeficientit 125 euro në vitin e parë dhe 135 euro në vitin e katërt, si dhe rritje ekonomike 4-5 përqind në vit.
Pjesë e këtij programi janë edhe ndërtimi i pesë stadiumeve rajonale, në vlerë 60 milionë euro. Ai ka premtuar edhe digjitalizimin e administratës publike me mbi 100 e-shërbime.
Një nga zotimet është edhe heqja e TVSH-së për të gjitha produktet bazike.
Në kuadër të këtij programi të LDK-së, parashihet që kodimi të futet si lëndë obligative.
Po ashtu parashihet edhe angazhimi i 200 inspektorëve të punës, si dhe privatizimi i Telekomit dhe liberalizimi i tregut.
Ndër të tjera, Abdixhiku premton edhe themelimi i Ministrisë së Teknologjisë, si dhe rithemelimi i Ministrisë së Administratës Publike.
Këto dhe premtime të tjera, Abdixhiku ka thënë se do të shpalosen në Konventën e ardhshme të Lidhjes Demokratike të Kosovës.
“Këto, vlerat e orientimet themelore, do t’i shpalosim në Konventën e ardhshme të Lidhjes Demokratike të Kosovës; dhe nga aty në çdo komunikim pas. Kemi një program të detajuar, të bëshëm e zhvillimor. Një që i përgjigjet sfidave dhe krizave të kohës. Një që na nxjerrë nga ngufatja e tanishme e zymtësia mbytëse”, ka shkruar Abdixhiku.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite