153 aksidente trafiku për një muaj në rajonin e Ferizajt

18:22 | 4 Dhjetor 2024
E.G

Policia ka njoftuar se gjatë muajit nëntor, në rajonin e Ferizajt kanë ndodhur 153 aksidente trafiku.

Sipas njoftimit, një prej këtyre aksidenteve ka qenë me fatalitet, 60 me të lënduar dhe 92 me dëme materiale, shkruan Arbresh.info.

Po ashtu bëhet e ditur se numri i aksidenteve për muajin nëntor të këtij viti ka shënuar rënie prej -8.4 për qind krahasuar me muajin nëntor të vitit të kaluar.

“Gjatë muajit nëntor-2024 në rajonin e Ferizajt, përshirë komunat : Ferizaj, Kaçanik, Shtime, Shtërpcë dhe Hani Elezit janë raportuar gjithsej 153 aksidente të komunikacionit rrugor , prej tyre: Me fatalitet, 1, me lëndime, 60, me dëme materiale, 92”, thuhet tutje në njoftimin e policisë./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm