Ishte vetëm 2 vjeç, kur talenti i saj për pikturën u zbulua nga halla e saj, e cila nga ajo ditë, ende e ruan atë pikturë me nostalgji.

Vizatimi i një peshkaqeni kur kishte vetëm dy vjeç, kishte qenë piktura kur familjarët e kishin zbuluar talentin e Renea Morinës për pikturë.

Renea vjen nga qyteti i Gjakovës dhe është vetëm 15 vjeçare, por ka një talent të jashtëzakonshëm në pikturë.

Ajo na tregon kur ka nisur të merret me art

Pikturimi në xhama në vendin tonë, viteve të fundit janë kthyer në trend, sidomos gjatë festave të fundvitit.

Renea ka filluar që talentin e saj të artit ta shfaqë edhe në sipërfaqet e xhamave të shkollës, por edhe në lokale, e kafiteri të ndryshme në Gjakovë.

Ajo tregon edhe vështirësitë e pikturimit në xham.

“Vizatimi në xhama duhet të ketë precizitet, dorën nuk duhet ta mbështetim shumë në xham dhe nuk duhet ta fshijmë shumë shpesh, përndryshe nuk është aq e vështirë me degët tjera të artit figurativ. Unë kam kërkuar punë nëpër lokale dhe kafiteri por kanë qenë skeptik sepse nuk e kanë besuar që unë bëjë vizatime të tilla”, thotë ajo.

15 vjeçarja tregon edhe reagimin e pronarëve të lokaleve dhe kafiterive, kur u bënë ofertë për pikturimin e xhamave.

Enea, thotë se talentin e saj e ka të trashëguar nga nënë, ku ajo me punën e saj e ka arritur të marr zemrat e shumë njerëzve.

“Nënë im ka vizatuar unë talentin e kam trashëguar prej saj, por që duhet edhe të kemi talent dhe të punojmë. Idenë për të hapur një faqe në Instagram e ka pas tezja, pastaj daja na ka ndihmuar që ta hapim faqen. Qysh nga hera e parë që kam filluar ta shfaqë këtë talent mesazhet kanë qenë mjaftë të bukura.

Enea ka një mesazh për të gjithë ata që duan të merren me art.

“Arti është ushqim i shpirtit, arti shprehen në shumë forma për mua të gjithë janë artistë por disa janë më të pirur që të vazhdojnë me art’, u shpreh ajo.

Për të gjithë ato biznese që duan t’i dekorojnë ambientet e tyre nga duart e arta të Eneas atë tashmë mund ta gjejmë në Instagram në faqen e biznesit të saj “enea.artist”./Arbresh.info/ Edona Krasniqi/