Merr armën fshehurazi nga familjarët, i mituri vret aksidentalisht të miturin tjetër

11:38 | 12 Shkurt 2018
L G

Në fshatin Grabanicë të komunës së Klinës, dje rreth orës 10:00 të mëngjesit ka ndodhur një tragjedi. Një i mitur ka qëlluar për vdekje një të mitur tjetër, raporton Arbresh.info.

Krejt kjo sipas njoftimit të Policisë së Kosovës ka ndodhur pasi i mituri fshehurazi e kishte marr pushkën nga familjarët dhe pa dashje duke luajtur me të e kishte qëlluar një të mitur, të cilin e kishte lënë të vdekur në vend.

“Raportohet se i dyshuar mashkull K/Shqiptar i mitur, ka marrë fshehurazi një pushkë gjuetie nga familjarët e tij dhe gjersa ishte në një fushë, nga pakujdesia arma ka shkrepur dhe ka goditur viktimën mashkull K/Shqiptar po ashtu i mitur. Ekipi mjekësor ka konstatuar se viktima nuk ka shenja jete”, thuhet në njoftimin e policisë.

Me urdhër të prokurorit trupi i pajetë është dërguar në Institutin e Mjekësisë Ligjore për obduksion, ndërsa rasti vazhdon të hetohet në procedurë të rregullt./ Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm