IPK kërkon suspendimin e tre zyrtarëve policorë, u shoqëruan me të dyshuarin për nxitje të vrasjes të Triumf Rizaj

21:44 | 30 Tetor 2023
E.H

Inspektorati Policor i Kosovës (IPK), ka kërkuar suspendimin e tre zyrtarëve policorë, të cilët sipas një video të publikuar në media, dyshohet se janë shoqëruar me të dyshuarin për nxitje të vrasjes së ish-pjesëtarit të Policisë së Kosovës, Triumf Riza.

“Departamenti i Hetimeve sipas detyrës zyrtare ka filluar hetimet ndaj tre zyrtarëve policorë të cilët sipas publikimit të një video në media ku bazuar në këtë video dyshohet janë në shoqërim të personave me të kaluar kriminale (shoqërim me personin e dyshuar për nxitje të vrasjes së ish-pjesëtarit të Policisë së Kosovës, Triumf Riza)”.

“Veprimet e tjera hetimore do të ndërmerren sipas autorizimeve ligjore të IPK-së”, thuhet në njoftimin e IPK-së

Ndërkaq, për rastin është njoftuar edhe Prokuroria e Shtetit./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm