Ministri i Financave, Hekuran Murati ka bërë të ditur se sot në mbledhjen e Qeverisë është marr vendim që një pjesë e borxhit ndaj KOSTT-it, që është akumuluar nga devijimet e deritashme, do të paguhet nga buxheti i katër komunave në veri të vendit.
Me anë të një postimi në Facebook, Murati ka thënë se energjia elektrike e shpenzuar është borxh, dhe borxhi duhet paguar.
“Andaj me vendimin që morëm sot në mbledhje të Qeverisë, do të merret buxheti i katër komunave në veri të vendit, dhe do të shfrytëzohet për të paguar një pjesë të borxhit ndaj KOSTT-it që është akumuluar nga devijimet deri më tani”, ka thënë ai
“Shuma totale prej 11,880,246.33 euro, përfshirë edhe mjetet e alokuara të Fondit Zhvillimor në Mirëbesim, merret nga katër komunat Leposaviq, Zubin Potok, Zveçan, Mitrovicë e Veriut dhe i transferohet KOSTT-it për të paguar një pjesë të borxhit për energjinë e shpenzuar”, ka shkruar Murati./Arbresh.info
Moti në Shqipëri me vranësira dhe reshje shiu
Mbahet Konferenca e dytë për investitorë “Prishtina 20...
Parashikimi i motit për të premten
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...