10 persona bëhen “llom” mes vete, policia i arreston të gjithë

08:46 | 12 Korrik 2021
arbresh.info

Policia e Kosovës ka arrestuar 10 persona të përfshirë në dy raste te rrahjeve, njëra në Fushë Kosovë dhe tjetra në Prishtinë.

Sipas raportit të policisë, në rrahjen në Fushë Kosovë janë përfshirë gjashtë persona, të cilët kanë marrë edhe trajtim mjekësor shkaku i lëndimeve.

RAPORTI:

Fushë Kosovë 11.07.2021 – 19:31. Janë arrestuar gjashtë të dyshuar meshkuj kosovarë pasi të njëjtit janë përfshirë në rrahje mes vete. Si pasojë dy prej tyre kanë pësuar lëndime dhe kanë pranuar tretman mjekësor. Me urdhër të prokurorit të gjithë të dyshuarit janë dërguar në mbajtje.

Prishtinë 11.07.2021 – 17:00. Janë arrestuar katër të dyshuar meshkuj kosovarë pasi të njëjtit janë rrahur mes vete, si pasojë e rrahjes të gjithë të dyshuarit kanë pësuar lëndime të lehta trupore. Me urdhër të prokurorit të gjithë të dyshuarit janë dërguar në mbajtje./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm