Protesta kundër ngritjes së çmimit të energjisë, Policia: Morën pjesë 200 protestues

09:07 | 27 Janar 2022
V. S.

Policia e Kosovës ka dhënë detaje në lidhje me mbarëvajtjen e protestës së djeshme, ku qytetarët shprehën pakënaqësitë e tyre në lidhje me ngritjen e çmimit të energjisë elektrike.

Sipas raportit të Policisë, protesta zgjatë rreth gjysmë ore dhe në të morën pjesë rreth 200 protestues.

“Sheshi Skënderbeu, Prishtinë 26.01.2022 – 12:00. Është mbajtur një protestë nga shoqëria civile lidhur me ngritjen e çmimit të energjisë elektrike. Në protestë kanë marrë pjesë rreth dyqind protestues, pakënaqësitë e tyre i kanë shfaqur përmes mbishkrimeve të ndryshme. Rreth orës 12:30 protesta ka përfunduar dhe çdo gjë ka kaluar pa ndonjë incident. Njësitë policore gjatë gjithë kohës kanë monitoruar mbarëvajtjen e protestës”, thuhet në raport. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm