Ahmeti përkujton Ibrahim Rugovën: Udhëhoqi me shtetin e Kosovës drejt miqësisë me shtetet tjera të mëdha

12:36 | 21 Janar 2022
V. S.

Kryetari i BDI-së, Ali Ahmeti ka kujtuar ish-presidentin e Kosovës, Ibrahim Rugova në 16-vjetorin e vdekjes së tij.

Ahmeti ka thënë se politikat e udhëhequra nga Rugova i kanë dhënë shumë jo vetëm popullit shqiptar por edhe rajonit e më gjerë.

“16 vite më parë u nda nga ne Ibrahim Rugova, patriot, intelektual dhe kontribues i madh i çështjes kombëtare, presidenti i parë i Kosovës i zgjedhur në mënyrë demokratike dhe personalitet që punoi drejt rrugës së pavarësisë, demokracisë, paqes dhe lirisë. Rugova udhëhoqi me shtetin e Kosovës drejt miqësisë me shtetet tjera të mëdha, rrugë kjo e cila sot e kësaj dite vazhdon t’i ruajë vlerat autoktone. E kujtoj me respekt dhe vlerësim të madh sepse na doli në ndihmë gjithnjë kur kishim nevojë. Politikat e udhëhequra nga Rugova i kanë dhënë shumë jo vetëm popullit shqiptar por edhe rajonit e më gjerë”, ka shkruar Ahmeti në facebook./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm