Google ADS

​Gjilan, rrënohet objekti i cili po ndërtohej në pronën komunale

19:24 | 3 Qershor 2020
Arbresh.info

Drejtoria e Inspeksionit në Gjilan ka bërë rrënimin edhe të një objekti, i cili po ndërtohej në pronën komunale, në lagjen ‘Arbëria’.

Drejtori i Inspeksionit, Nevzad Rushiti, ka bërë të ditur se nuk do të ketë tolerancë ndaj atyre që tentojnë të ndërtojnë në pronën komunale, por as ndaj atyre që tentojnë të ndërtojnë pa leje.

Ai ka paralajmëruar se përpos rrënimit, këta persona do të përballen edhe me organet e drejtësisë, pasi uzurpimi i pronës komunale konsiderohet vepër e rëndë.

Drejtori i Inspeksionit në Gjilan ka njoftuar, po ashtu, se do të vazhdojnë edhe lirimin e hapësirave publike nga rrethojat e metalta në qytet.

 

 

Shpërndaje në rrjete sociale

Lajmet më të lexuara

Të ngjashme

Foto lajm