Ishte ora 19:45 kur 24 marsin e dy dekadave më parë, avionët e NATO-s lëshuan raketat e para kundër pozicioneve strategjike të ushtrisë së ish-Jugosllavisë, siç quheshin dy republikat e mbetura të ish- Federatës Jugosllave, Serbia dhe Mali i Zi.
Urdhrin për fillimin e fushatës e kishte dhënë presidenti i Shteteve të Bashkuara të Amerikës, Bill Clinton. Shefi i Shtëpisë së Bardhë e përshkroi këtë si mundësinë e vetme për t’u dhënë fund tmerreve në Kosovë.
“Përherë mirënjohës SHBA dhe NATO, për këtë kontribut të jashtëzakonshëm”, shkruan presidenti i Shqipërisë Ilir Meta në Facebook, duke vlerësuar atë ndërhyrjen ushtarake si vendimi që i dha fund gjenocidit e spastrimit etnik dhe parapriu Pavarësinë e Kosovës,
“Sot mbushen 20 vjet nga dita kur NATO vendosi të ndërhyjë për të imponuar paqen duke i dhënë fund gjenocidit e spastrimit etnik dhe paraprirë Pavarësisë së Kosovës, e cila forcoi paqen e stabilitetin në rajonin tonë. Përherë mirënjohës SHBA dhe NATO, për këtë kontribut të jashtëzakonshëm. Tashmë 10-vite anëtare në NATO, Shqipëria mbetet e angazhuar maksimalisht në mbrojtjen e vlerave të lirisë, paqes e sigurisë në rajonin tonë dhe kudo në botë”, shkruan Meta.
Nga 1 nëntori rikthehen kalimet e përshpejtuara në kufijtë m...
Shqipëria ia ekstradon Italisë një shtetas, i dënuar me mbi ...
Von der Leyen pas takimit me Kurtin: Të punojmë për të ardhm...
Kryetari i Ferizajt dënon sulmin ndaj Muhaxhirit, kërkon nga...
Avokati i Muhaxherit: Kryetari beson se sulmi lidhet me punë...
Aksidentet fatale/ A janë pasojë e mungesës së ndriçimit të ...