​Bajrami: AKP ka rol të rëndësishëm në procesin e zhvillimit ekonomik të vendit

16:29 | 3 Korrik 2020
Arbresh.info

Ministrja e Financave, Hykmete Bajrami, priti sot drejtorin menaxhues të Agjencisë Kosovare të Privatizimit (AKP), Valon Tolaj, ku u diskutua për thellimin e bashkëpunimit ndërinstitucional në funksion të zhvillimit ekonomik të Republikës së Kosovës.

Ministrja Bajrami i njoftoi përfaqësuesit e AKP-së lidhur me programin e Qeverisë së Kosovës, me theks të veçantë me masat për rimëkëmbje ekonomike. Ajo theksoi se Qeveria e Kosovë po punon intensivisht në krijimin e politikave për dinamizimin e ekonomisë pas pasojave të shkaktuara nga pandemia dhe në këtë drejtim, Bajrami vlerësoi se AKP ka rol të rëndësishëm në procesin e zhvillimit ekonomik të vendit.

Udhëheqësit e AKP-së e njoftuan ministren Bajrami me punën dhe aktivitetet e Agjencisë Kosovare të Privatizimit dhe shprehën gatishmërinë e tyre për koordinim të aktiviteteve në funksion të zhvillimit ekonomik të vendit tonë.

 

Shpërndaje në rrjete sociale

Lajmet më të lexuara

Të ngjashme

Foto lajm