Google ADS

​Arrestohen edhe dy persona për organizim të lojërave të bixhozit në Karaçevë

09:51 | 22 Dhjetor 2021
A. B.

Janë arrestuar edhe dy persona në fshatin Karaçevë të Kamenicës të cilët dyshohet se të njëjtit në objektet e tyre kanë zhvilluar lojëra bixhozi.

Të dy personat lidhen edhe me rastin e aksionit që u zhvillua mëngjesin e 15 dhjetorit në këtë zonë e ku u rrënuan objektet në të cilat po zhvilloheshin lojërat e bixhozit, thuhet në raportin 24 orësh të policisë.

“Fsh. Karaqevë, Kamenicë 15.12.2021 – 06:00-10:00. Me 21.12.2021 lidhur me rastin janë arrestuar dy të dyshuar meshkuj kosovar nën dyshimin se të njëjtit në objektet e tyre kanë zhvilluar lojëra bixhozi. Me vendim të prokurorit dy të dyshuarit janë dërguar në mbajtje”, thuhet në raport.

Kujtojmë që në aksionin policor që ndodhi në Karaçevë janë sekuestruar 96 aparate të lojërave të fatit, , 4 shtëpiza kompjuterike, 3 llaptop, 3 monitorë, dy televizione që janë përdorur për lojërat e fatit, një pistoletë Ekol special 99 sëbashku me 17 fishekë, një gjenerator si dhe një shumë e konsiderueshme e parave. /arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm