“Vetëm për dy”. Kështu quhet restoranti italian që krijon kujtime të veçanta për vizitorët e tij romantikë, duke u mundësuar çifteve të darkojnë privatisht nën një sfond intim e plot stil.
Klientëve u duhet të prenotojnë disa muaj e madje edhe një vit para pasi atje ka vetëm një tavolinë për dy veta. Dekori i dizenjuar posaçërisht, stili muzikor dhe menuja e personalizuar zgjidhen 10 ditë para secilit prenotim për ta bërë ekpseriencën të paharrueshme.
“Zakonisht na duhet të diskutojmë me klientët për të vendosur momentin e mbërritjes në mënyrë që të kemi kohë te mjaftueshme për të ndezur qirinjtë në kopësht e gjithashtu i pyesim ata se për çfarë rasti bëhet fjalë”, shprehet Remo Di Claudio, pronar i restorantit.
Çiftet kanë hapësirën e tyre private dhe përdorin zilen për të thërritur kamarierin. Maurizia Freddo zgjodhi të festonte këtu 20-vjetorin e martesës.
“Remo të ofron një ëndërr të bukur të cilën mund ta gjejmë vetëm këtu”, shprehet Maurizia Freddo.
Pronari i lokalit Remo Di Claudio thotë se ideja për hapjen e një restoranti vetëm për dy vetë i kishte lindur pas një darke të tmerrshme Krishtlindjesh, 30 vite më parë. Çmimi për një darkë intime është 250 euro për person./Top Channel
Prishtina shënon fitoren e parë në elitën e basketbollit kos...
Scholz: E përsëris, nuk do të furnizoj Ukrainën me raketa ‘T...
Osmani flet për qëndrueshmërinë e grave në luftë dhe progres...
Dy golëshi i Zhegrovës i pamjaftueshëm për të marr fitoren L...
Porsche me motorin elektrik të Teslas
Conrad: Partneriteti me Kosovën, dëshmi e miqësisë së qëndru...