Është një ide e gabuar që besimi krijohet gradualisht-se një njeri mund të ndajë informacione personale vetëm me një mik të ngushtë apo me një anëtar të familjes.

Mirëpo psikologët kanë gjetur një formulë shkencore se si fitohet besimi i njerëzve më shpejt.-transmeton arbresh.info. Çelësi është të vendoset një balancë mes ngrohtësisë dhe kompetencës – në mënyrë që të dukeni kredibilë por edhe humanë.

Ideja përshkruhet më detajisht në librin “Mik dhe Armik” të Maurice Shweitzer dhe Adam Galinsky.

Për ta ilustruar se si zbatohet kjo teori në jetën e përditshme, autorët marrin shembullin e psikiatërve, puna e të cilëve është t’i bëjnë njerëzit të hapen dhe t’i tregojnë ankthet dhe frikërat e tyre më të mëdha.

Një psikiatër bënte këto taktika sapo takonte një pacient të ri: i binte stilolapsi në tokë, tregonte një shaka të keqe apo derdhte kafen e tij.

Pacientët e psikiatrit ishin impresionuar nga diplomat në murin e tij të cilat paraqisnin kompetencë dhe kredibilitet dhe tani qëllimi i tij ishte ta demonstrojë butësinë e tij.

Kombinimi i kompetencës dhe ngrohtësisë e bënin atë më të besueshëm.

Kjo teknikë funksionon për mrekulli edhe në sferën e biznesit.-transmeton arbresh.info. Autorët marrin shembullin e një inxhinieri amerikan i cili po punonte për një kompani të caktuar në Japoni.

Ai ishte shumë i zemëruar se vazhdimisht listohej si vizitor në takime. Por pasi ai një natë iu bashkua kolegëve të tij japonezë për një natë karioke ata nisën ta listonin si pjesën tjetër të stafit.

Autorët paralajmërojnë se kjo funksionon vetëm nëse një herë keni treguar se jeni kredibilë sepse e kundërta nuk do të funksionojë. Për shembull një kirurg nuk duhet ta shprehë njerëzinë duke i rënë veglat nga dora.

Prandaj nëse doni që njerëzit të ju besojnë fillimisht impresiononi ata me njohuri dhe aftësi dhe pastaj tregojuni se jeni qenie njerëzore si edhe çdo njeri tjetër./arbresh.info