Google ADS

SHBA, transplantohet organi gjenital i një ish-ushtari në Afganistan

00:25 | 25 Prill 2018
Trina Galanxhi

Operacioni doli me sukses! Realizohet transplanti i parë i penisit, ndaj një ish ushtari lufte në Afganistan, i cili kishte humbur penisin dhe këmbët, si pasojë e shpërthimit të një bombe.

Ndërhyrja zgjati 14 orë, ndërsa u zhvillua dy javë më parë në Johns Hopkins University Hospital, të Baltimora, SHBA, por rezultatet e tij u prezantuan vetëm gjatë kësaj të hëne.

“Pacienti është mirë dhe do të kthehet në shtëpi pas disa javësh. Në sajë të një dhuruesi, kirurgët të drejtuar nga Andrew Lee realizuan me sukses, ndërhyrjen e parashikuar prej kohësh”, thuhet në deklaratën e spitalit.

Specialistët presin që funksionet urinare të rikthehen së shpejti, ndërsa për ato seksuale, duhet pritur gjashtë muaj.

Shpërndaje në rrjete sociale

Lajmet më të lexuara

Të ngjashme

Foto lajm