Nëse iu është dukur që viti 2021 ka shkuar shumë shpejt, sa hap e mbyll sytë, nuk jeni duke gabuar.

Nata e Vitit të Ri është shpesh një kohë për njerëzit që të reflektojnë mbi 12 muajt e fundit, dhe për disa viti ka kaluar si një “rrufe”, ndërsa për disa ka ecur me shpejtësinë e kërmillit, transmeton portal arbresh.info

Por sipas ekspertëve të kompanisë së zonës kohore TimeAndDate, viti 2021 ishte, objektivisht, një vit më i shkurtër se zakonisht. Thënë kështu, asnjë njeri nuk mund ta kishte vënë re.

Graham Jones, një komunikues shkencor, ka thnënë për neësëeek se viti i kaluar ka qenë afërsisht 65 milisekonda më e shkurtër se mesatarja, prandaj edhe konsiderohet si viti më i shkurtër i regjistruar.

E gjitha është për shkak të shpejtësisë rrotulluese të Tokës. Një ndryshim i vogël në shpejtësinë e rrotullimit të planetit mund të bëjë që një ditë të jetë një pjesë e vogël e sekondës më e gjatë ose më e shkurtër se mesatarja e saj prej 86,400 sekondash.

“Nëse shikoni gjatësinë e një dite, gjatë gjithë vitit, mund të shihni majat dhe luginat”, tha Graham. “Dhe një nga gjërat kryesore që ndikon në këtë është orbita e hënës dhe distanca e hënës nga Toka”.

Ky është një efekt relativisht afatshkurtër, tha Graham, por faktorë të tjerë si zvogëlimi i oqeaneve të planetit tonë dhe lëvizja e brendësisë së tij gjithashtu mendohet të kenë një efekt më afatgjatë. Si e tillë, është e vështirë të bësh parashikime për shpejtësinë e rrotullimit të Tokës më shumë se gjashtë muaj përpara.

Në përgjithësi, mendohet se Toka është ngadalësuar për periudha të gjata kohore, duke bërë që vitet të bëhen gradualisht më të gjata, shtoi Graham. Kjo mund të konkludohet nga gjëra të tilla si të dhënat gjeologjike ose vëzhgimet astronomike të eklipseve diellore.

“Ajo që ishte interesante vitin e kaluar është se ne pamë që Toka pati një lloj shpejtësie gjatë vitit,” tha Graham. “Përshpejtimi i shpejtësisë është ngadalësuar, por Toka e ka mbajtur ende shpejtësinë e saj nga viti i kaluar, kështu që ky vit po vjen më shpejt. Mendimi aktual është se viti i ardhshëm do të jetë pak më i shkurtër, por është e vështirë të thuhet që tani”./arbresh.info/