Paraja siç duket është shkaktari kryesor i ndarjes së çifteve të martuara.
E hëna e parë e vitit njihet edhe si “Dita e Divorcit” nga avokatët sepse rritet numri i njerëzve të cilët kërkojnë ta përfundojnë martesën si pasojë e stresit gjatë Krishtlindjeve dhe Vitit të Ri, transmeton Telegrafi.
Një anketim me mbi 2,000 britanikë nga firma ligjore ‘Slater & Gordon’ ka zbuluar se problemet financiare prijnë në listën e arsyeve se përse çiftet ndahen.
“Edhe pse është periudhë e lumtur për shumicën e njerëzve, ato lidhje të cilat veçse janë të ‘çara’ pritet të shkatërrohen krejtësisht nga stresi dhe shpenzimet e Krishtlindjeve dhe Vitit të Ri”, thonë avokatët.
Një përqindje e madhe e të anketuarve kanë treguar se presionet financiare janë sfida kryesore në martesën e tyre, ndërsa 20 për qind e të anketuarve kanë treguar se fjalosen kryesisht për para.
Një në pesë njerëz nga të anketuarit e kanë fajësuar partnerin për brengat financiare, duke e akuzuar se shpenzon jashtëzakonisht shumë.
Figurat e vitit të kaluar, tregojnë se vetëm në Mbretërinë e Bashkuar janë shkurorëzuar 107,000 çifte – 5.8 për qind më shumë sesa viti paraprak. /Telegrafi/
Ushqimet e pasura me vitaminat e rinisë
Çka thuhet në dosjen e Prokurorisë për zëvendës-sekretarin e...
Bie fuqia e uraganit Milton në stuhi të kategorisë tre – flo...
“Zemra më thotë të luaj për Gjermaninë” – Brajan Gruda i mby...
Një portokall në ditë – Shtatë përfitime për organizmin
Vizita e Erdoganit në Tiranë, Kuvendi i Shqipërisë anuloi se...