Një vajzë e cila fillimisht kishte menduar se dhimbja e qafës kishte të bënte me të fjeturit keq gjatë natës, mbeti e paralizuar disa orë më vonë.

Helen Fincham, nga Bridgend, Wales, tha se mendoi se kishte pasur një sulm në zemër, kur nga mesdita e ditës që ndodhi e gjitha, ajo nuk i ndjente këmbët e saja.

Siç shkruajnë mediat e huaja, mjekët i kishin thënë 21-vjeçares që të çohej në këmbë, por ajo u rrëzua dhe bëhej fjalë për një paralizë prej qafës e poshtë.

Ajo u diagnostikua në fund me Transverse Myelitis, një gjendje nervore jashtëzakonisht e rrallë, përcjell telegrafi.

Helen tani është duke kaluar nëpër terapi fizike çdo ditë dhe pavarësisht se nuk e din se çfarë e pret në të ardhmen, ajo mbetet pozitive dhe është e vendosur të ecë përsëri.

Helen, një menaxhere dyqani ka thënë: “Kur e kuptova se nuk ndjeja këmbët e mia, u tmerrova”.

“Ishte një paralizë brenda natës. E gjithë jeta ime kishte ndryshuar brenda orëve”.

“U zgjova si çdo ditë tjetër, shkova në katin e poshtëm që të haja diçka me prindërit e mi. Por kur u përkula të merrja diçka, e kuptova se qafa ishte pak e lënduar. Supozova se kisha fjetur keq”.

“Pasi u ktheva në shtrat, kisha probleme me frymë dhe krahu më ishte mpirë. Mendova se kisha një sulm në zemër dhe prindërit e thirrën urgjencën”, rrëfen ngjarjen Helen. /telegrafi