Studimet e fundit shkencore kanë treguar se pasioni për kafenë qenka i shkruar në ADN-në tonë. Edhe pse njeriu është i programuar që ta asociojë shijen e hidhur me rrezikun e mundshëm, disa gjene na bëjnë të ndjeshëm ndaj kësaj shijeje, dhe i modifikojnë preferencat tona për kafenë, çajin dhe alkoolin.
Këto rezultate i ka nxjerrë konkretisht një studim i drejtuar nga Instituti i Kërkimeve Shkencore në Berghofer të Australisë, i cili është publikuar në revistën Scientific Reports, duke përfshirë në studim më shumë se 400.000 pjesëmarrës.
Studiuesit e udhëhequr nga Jue-Sheng Ong dhe Liang-Dar Hwang, kanë analizuar variantet gjenetike të lidhura me perceptimin e tre substancave me hidhësi të ndryshme: prop-in, substancë e përdorur si ilaç anti-tiroid, kininën që ka cilësi anti-malarie dhe kafeinën.
Për të vlerësuar efektet e perceptimit të ndryshëm të hidhësisë në konsumin e kafesë, çajit dhe alkoolit, u eksperimentua me 400.000 persona falë bankës UK Biobank në Mbretërinë e Bashkuar.
Studiuesit kanë zbuluar që njerëzit e marrë në eksperiment kanë një ndjeshmëri më të lartë për hidhësinë e kafeinës; ndjeshmëri e cila i detyrohet pranisë së gjeneve specifike, të cilët nxisin dëshirën për të konsumuar sasi të konsiderueshme kafeje.
Ndërsa kur ndjeshmëria më e lartë ka dalë ndaj Prop-it dhe Kininës, tendenca gjenetike e njerëzve ka rezultuar në pëlqimin e çajit dhe alkoolit. Përsa i përket alkoolit, kërkimi ka dalë në rezultatin se ndjeshmëria më e lartë ndaj substancës Prop, tregon një konsum më të ulët të tij./TCH
Pyjet e Kosovës përballen me shkatërrim të pakontrolluar
Zjarri në Kuvend/ SHBA ndëshkon PD dhe dhunën: Akte që s’kan...
Dita Ndërkombëtare e të Moshuarve, Begaj: Ju meritoni trajti...
Kosova mëson orarin e ndeshjeve të Kampionatit Botëror në eS...
Ish-presidenti amerikan Jimmy Carter mbushi 100 vjeç
SBASHK-u: Ministri Murati të gjejë mundësi ligjore, pagat të...