Njësia speciale ajrore e Forcave Ajrore Britanike mburret me një njësi elitare me rreth 20 ushtarë të stërvitur për të luftuar një sërë kërcënimesh alternative, duke përfshirë një takim të mundshëm të afërt me alienët.

Njësia e projekteve speciale është e aftë të përdorë armë jo vdekjeprurëse kundër shumë kërcënimeve dhe një armë e tillë përfshin spërkatjen e shkumës që mbulon shënjestrën dhe ngurtësohet shpejt, duke e bërë objektivin të palëvizshëm, raportoi Daily Star, transmeton portali arbresh.info

Kërcënimet e mundshme thuhet se përfshijnë gjithçka, nga terroristët te bio-armët njerëzore, ku dikush është infektuar qëllimisht, deri në një formë të jetës aliene, tha burimi, duke pranuar se ndërsa trajnimi i njësisë speciale tingëllon i çmendur, ai përfshin misione për të ndaluar çdo kërcënim.

Trupat britanike thuhet se ishin stërvitur së bashku me forcat speciale amerikane në SHBA, ku Pentagoni njoftoi formimin e një grupi të ri pune për hetimin e “fenomeneve të paidentifikuara në ajër”.

“Shumica e njerëzve besojnë se jeta në planetët e tjerë ekziston. Edhe Ajnshtajni tha në vitin 1920: Pse Toka do të ishte i vetmi planet ku jeta njerëzore është e mundur? Nëse e besoni atë, atëherë duhet të pranoni që jeta jashtëtokësore mund të jetë një kërcënim, kështuqë duhet të përgatitemi, “tha burimi.

Pavarësisht paralajmërimit të astronomit dhe fizikanit të ndjerë Stephen Haëking për të mos rënë në kontakt me krijesa të vogla të gjelbërta, eksperti britanik i UFO-ve Nick Pope është i bindur se ora po troket kur bëhet fjalë për zbulime të reja revolucionare në lidhje me një fenomen të huaj që ai tha se mund të kishte një ndikim të madh në vitet në vijim./arbresh.info/