Disa nga ta e kanë trashëguar pasurinë prej familjeve të tyre, e disa janë biznesmenë aventurierë që i kanë grumbulluar paratë e tyre nga asgjëja.

Biznesmenët nga Evropa Lindore kryesisht janë pasuruar pas rënies së Bashkimit Sovjetik, kurse në Skandinavi biznesmenët kanë përfituar nga industria e vjetër.

Business Insider ka shfrytëzuar të dhënat e Forbes për të përpiluar një listë me njerëzit më të pasur nga 7 shtete të Bashkimit Europian.

Spanjë: Amancio Ortega ka pasuri prej 67 miliardë eurosh.

Ortega është biznesmen spanjoll që ka themeluar rrjetin e markës së rrobave ‘Zara’. Ai është njeriu i dytë më i pasur në botë.

Francë: Lilian Bettencourt – Pasuria: 36.5 miliardë euro

Bettencourt është gruaja më e pasur në Europë dhe pronarja e markës Loreal. Fëmijët e saj e udhëheqin biznesin e 33 përqind të aksioneve të kompanisë.

Itali: Giovanni Ferrero – 23.6 miliardë euro

Ferrero është pronar i kompanisë me të njëjtin emër, fabrikë e cila prodhon edhe kremin e famshëm të çokollatës, Nutella.

Gjermani: Georg Schaeffler – 19 miliardë euro

Schaeffler e ka në pronësi kompaninë që prodhon materiale industriale për industrinë e veturave, aeronautikës dhe përdorime të tjera industriale.

Suedi: Stefan Persson – 19 miliardë euro

Persson është aksionari më i madh i kompanisë gjigante të rrobave, H&M. Kompania ishte themeluar nga babai i tij.

Austri: Dietrich Mateschitz – 15 miliardë euro

Themeluesi i kompanisë Red Bull është njeriu më i pasur në Austri. Atij iu deshën rreth 10 vite për t’i përfunduar studimet universitare.

Britani e Madhe: Sri dhe Gopi Hinduja – 14 miliardë euro

Vëllezërit indianë të cilët janë shtetas britanikë janë pronarë të konglomeratit Hinduja Group që ka në pronësi, ndër të tjera, edhe kompaninë e veturave Ashok Leyland.