Ndryshimet klimatike dhe bujqësia po kërcënojnë biodiversitetin e insekteve dhe në disa zona kanë përgjysmuar popullsinë e insekteve, ka gjetur një studim i fundit.
Studimi, i cili u shfaq në revistën shkencore Nature, zbuloi se rritja e temperaturave dhe ndryshimet në mënyrën se si përdoret toka janë të lidhura me rënien e përhapur të popullatave të insekteve në mbarë botën, transmeton portal arbresh.info
Një ekip nga Qendra e Kolegjit Universitar të Londrës për Kërkimin e Biodiversitetit dhe Mjedisit analizoi rreth 20,000 lloje insektesh në mbarë botën.
Ata gjetën se në rajonet me bujqësi të lartë dhe me klimë të ngrohtë, numri i insekteve ishte 49% më i ulët se në habitatet e regjistruara pa ndryshime klimatike.
Zonat e prekura përjetuan gjithashtu përkeqësim të biodiversitetit — numri i llojeve të insekteve në ato vende ishte 29% më i ulët se habitatet me ndryshime klimatike të regjistruara.
“Humbja e popullatave të insekteve mund të jetë e dëmshme jo vetëm për mjedisin natyror, ku insektet shpesh luajnë rol kyç në ekosistemet lokale, por gjithashtu mund të dëmtojë shëndetin e njeriut dhe sigurinë ushqimore, veçanërisht me humbjet e pjalmuesve”, tha Dr. Charlie Outhëaite, autor i studimit.
Në zonat me bujqësi me intensitet të ulët – veçanërisht ato me shumë habitat natyror përreth – humbjet në popullatat e insekteve ishin shumë më të ulëta, zbuluan studiuesit./arbresh.info/
Votimi për presidencialet e nëntorit/ SHBA, hapen zyrtarisht...
Taulant Xhaka paralajmëron rikthimin e vëllaut të tij tek Ba...
Moti i ligë në Tetovë – Shtëpi dhe oborre të përmbytura
OKB: Armëpushimi në Gaza, prioritet absolut dhe urgjent
Shkolla greke përjashton 10-vjeçaren shqiptare – shkak numri...
ADN-ja e ruajtur në një kristal mund të rikthejë njerëzimin ...