Është dashur një kohë e gjatë që burrat të kuptojnë se ekspozimi i gjëndrave riprodhuese në nxëhtësi të tepruar mund të shkaktojë rreziqe të mëdha.

Më shumë se një dekadë më parë, kuzhinieri Gordon Ramsey pranoi publikisht se koha e kaluar para sobave të nxehta i kishte shkaktuar humbje të plleshmërisë dhe numër të ulët të spermatozoideve.

“Topat e mia po digjnin”, tha ai, me tipare tipike, transmeton portali arbresh.info

Qëndrimi i gjatë pranë një kompjuteri, në sauna dhe mbajtja e celularëve të nxehtë në xhepa është duke u kthyer në armikun kryesot të fertilitetit për njerëzit modernë.

Hulumtimet e fundit nënkuptojë se temperaturat në rritje për shkak të ndryshimit të klimës, mund të jenë një kërcënim i madh për zhdukjen e specieve të caktuara.

Korrikun e vitit të kaluar, Alan Barreca, një ekonomist i mjedisit nga Universiteti i Kalifornisë, përmes një studimi tha se ndryshimet klimatike do të reduktojnë lindjet, pavarësisht rritjes së aktivitetit seksual në muajt e verës.

Nga 80 vjetët e lindjes dhe të dhënat e motit në SHBA, studimi konfirmoi se një numër i madh i foshnjave lindin në gusht dhe shtator, pasi më pak foshnje ngjizen gjatë muajve të verës, kur edhe temperaturat janë të larta, transmeton portali arbresh.info

Studiuesit paralajmëruan se frekuenca më e lartë dhe ashpërsia e valëve të nxehtësisë, e cila pritet si ndryshimi i klimës vazhdon, do ta shpejtojë këtë rënie të pjellorisë.

“Projeksionet e ndryshimeve klimatike tregojnë rritje të ndjeshme në mot të nxejtë”, tha Barreca për DW. “Kjo rritje në mot të nxehtë do të dëmtojë shëndetin tonë riprodhues në të ardhmen”.

Kjo dimension njerëzor ndaj problemit të uljes së pjellorisë në një botë të ngrohjes është vetëm një pjesë e një problemi shumë më të gjerë.

Sipas një studimi të kryer nga Universiteti i Anglisë Lindore, tregohen dëshmi të qarta se vala e nxehtësisë zvogëlon numrin e qëndrueshmërisë së spermës pothujase te të gjitha insektet.

“Nxehtësia nuk është gjë e mirë për pjellorinë mashkullore”, tha Mattheë Gage, profesor i ekologjisë evolucioniste në Universitetin e Anglisë Lindore.

Studimi gjithashtu zbulon lidhjen mes stresit dhe valëve të nxehtësisë që dëmtojnë ADN-në.

Një rishikim i vitit 2017 i studimeve mbi rënien e shpejtë të numrit të spermës tek meshkujt ka shkuar aq larg sa të paralajmërojë për zhdukjen njerëzore nëse vazhdon trendi i rënies prej 50 deri në 60 përqind të numrit të spermës tek meshkujt nga Amerika e Veriut, Europa dhe Australia.

Studimi përmendi ndikime të shumta mjedisore që mund të shkaktojnë këtë problem, përfshirë ekspozimin ndaj kimikateve, pirja e duhanit nga ana e nënës dhe ekspozimi ndaj pesticideve.

Megjithatë mungojnë dëshmitë përfundimtare që lidhin fertilitetin në rënie ndaj ndonjë problemi specifik mjedisor.

Hulumtimi i ri mbi korrelacionin midis rritjes së shterpësisë mashkullore dhe ndryshimit të klimës mund të rezultojë veçanërisht e dobishme. Për më tepër, nëse kjo lidhje është duke kontribuar në humbjen e gjerë të biodiversitetit, pasojat do të jenë sërish shkatërruese për të gjithë jetën.

Kjo është arsyeja pse Gage dhe ekipi i tij kanë filluar të gjurmojnë lidhjen mes stresit  të nxehtësisë dhe humbjes së pjellorisë mashkullore.

Nëse hulumtimet e mëtejshme dëshmojnë se ndryshimi i klimës  po dëmton farën e jetës, zbulimi mund të jetë frymëzimi i fundit për të dyfishuar luftën kundër ndryshimit të klimës./arbresh.info/