Shenjat dhe ndikimet për ngrohjen globale janë duke u përshpejtuar, thonë shkencëtarët të cilët kanë kryr një studim të fundit, i cili është botuar përpara bisedimeve kryesore të OKB-së në Nju Jork.

Të dhënat, të përpiluara nga Organizata Botërore e Meteorologjisë (OMO), thonë se periudha pesë-vjeçare nga 2014 deri në 2019 është më e ngrohta në rekord, transmeton portali arbresh.info

Rritja e nivelit të detit është përshpejtuar ndjeshëm gjatë së njëjtës periudhë, pasi emetimet e CO2 kanë arritur nivele të reja.

Deklarata për klimën është një bashkim i shkencës më të fundit mbi shkaqet dhe ndikimet në rritje të niveleve të pashembullt të ngrohjes që po shihet në vitet e fundit.

Duke pranuar që temperaturat globale janë rritur me 1.1 gradë C që nga viti 1850,studimi vëren se ato janë rritur me 0.2C midis 2011 dhe 2015.

Kjo është si rezultat i rritjes së emetimeve të karbonit, me sasinë e gazit që hyn në atmosferë midis 2015 dhe 2019 duke u rritur me 20% krahasuar me pesë vitet e mëparshme.

“Rritja e nivelit të detit është përshpejtuar dhe ne jemi të shqetësuar se një rënie e papritur në fletët e akullit të Antarktikut dhe të Grenlandës, e cila do të përkeqësojë ngritjen në të ardhmen”, tha sekretari i përgjithshëm i ËMO, Petteri Taalas.

“Siç kemi parë këtë vit me efekt tragjik në Bahamas dhe Mozambique, rritja e nivelit të detit dhe stuhitë e mëdha tropikale çuan në katastrofa humanitare dhe ekonomike”, shtoi ai.

Raporti gjithashtu thekson kërcënimet për oqeanet, me më shumë se 90% të nxehtësisë së tepërt të shkaktuar nga ndryshimet klimatike që përfundojnë në ujëra. Analiza e studimit thotë se viti 2018 kishte vlerat më të larta të përmbajtjes së nxehtësisë së oqeanit.

Studimi nënvizon faktin se kudo që të shikoni planetin tani, historia është e njëjtë: ngrohja e shkaktuar nga njeriu po ndikon në shkallën dhe intensitetin e ngjarjeve ekstreme të motit, siç janë valët e nxehtësisë dhe zjarret./arbresh.info/