Kina është duke ndërtuar sistemin më të fuqishëm në botë për identifikimin përmes fytyrës.
Synimi është që të identifikojë secilin qytetar nga 1.4 miliardë banorët e vendit, brenda tri sekondave, transmeton portali arbresh.info
Qëllimi kryesor është që sistemi të përputhet me fytyrën e dikujt në fotografi.
Projekti, i nisur nga Ministria e Sigurisë Publike në vitin 2015, është në zhvillim dhe bashkëpunim me një kompani të sigurisë me seli në Shangai.
Sipas South China Morning Post, sistemi i njohjes së fytyrës prej 1.4 miliardë personash po zhvillohet nga Isvision, e cila e kishte fituar kontratën gjatë vitit të kaluar.
Megjithatë, kompania nuk ka dhënë detaje rreth projektit.
Kamerat e sigurisë të zbulimit me aftësi për njohjen e fytyrës u përdorën për herë të parë në Sheshin Tiananmen që në fillim të vitit 2003, sipas faqes së internetit të kompanisë.
Sistemi i kompanisë është i lidhur edhe me të dhënat e policisë, mbi personat e dyshimtë dhe ka aftësi të njeh dhe të dallojë personat e caktuar edhe në turmë.
Fan Ying, studiues në qendrën kërkimore për menaxhimin e popullsisë të Ministrisë së Sigurisë Publike, i tha gazetës se ekipi i projektit ka ‘sfida të pashembullta’ për shkak të kërkesave të qeverisë për shpejtësi dhe saktësi./arbresh.info/
Maratona e Tiranës, Veliaj: Mundësi për të promovuar kulturë...
Shoqata e Prokurorëve dënon kërcënimet ndaj u.d të kryeproku...
Krasniqi: PDK-ja nuk do të rri duarkryq derisa ushtarët tanë...
Foda zgjedh 11-shen startuese ndaj Lituanisë
Kurti e Gërvalla, priten me nderime të larta nga mërgimtarët...
Murati: Rritja e pagës mesatare demanton gjithë propagandën